Një person është arrestuar nga Policia e Kosovës, pasi që dyshohet se ka plagosur me armë zjarri vëllain e tij, mbrëmë në rrugën “Mehmet Aqif Aksoy” në Mitrovicë.
Viktima si pasojë e plagëve të marra është dërguar për tretman mjekësor, ku më pas sipas raportit mjekësor i njëjti është liruar për shërim shtëpiak.
Policia thotë se rasti ka ndodhur pas një mosmarrëveshje që vëllezërit kishin mes vete.
Ndërkohë, në vendin e ngjarjes policia ka sekuestruar armën e kalibrit 6mm, e cila dyshohet se është përdorur në rast.
Ndërkaq, me aktvendim të prokurorit i dyshuari është dërguar në mbajtje.
Njoftimi i Policisë së Kosovës:
Rr. Mehmet Aqif Aksoy, Mitrovicë 02.09.2023 – 12:42. Është arrestuar i dyshuari mashkull kosovar pasi që i njëjti pas një mosmarrëveshje me viktimën –vëllain e tij kishte shkrepur armën e zjarrit dhe i kishte shkaktuar lëndime trupore viktimës së lartcekur. Viktima ka pranuar tretman mjekësor dhe më pas është liruar për shërim shtëpiak. Arma pistoletë e kal. 6 mm qe dyshohet se është përdorur në këtë rast është sekuestruar nga policia. Me aktvendim te prokurorit kujdestar, i dyshuari dërgohet në mbajtje./teve1.info/
