Stuhitë dhe shirat e rrëmbyeshëm kanë sjellë përmbytje të menjëhershme në Austri pasi nivelet e lumenjve arritën majat në 100 vite, sipas raporteve të mediave lokale.
Rajonet perëndimore dhe jugore të Vorarlberg, Tirol, Salzburg dhe Carinthia kanë parë ndikimin më të madh nga kushtet ekstreme, raporton Sky News.
Disa shtëpi u evakuuan dhe një numër i rrugëve hekurudhore dhe urave u mbyllën nga autoritetet për shkak të frikës për rritjen e nivelit të ujit.
Ekspertët në GeoSphere – shërbimi meteorologjik i vendit – paralajmëruan për rrëshqitje dheu dhe përmbytje me deri në 100 milimetra shi që priten në shumë zona.
Në luginën Pitztal në Tirol, tre shtëpi u evakuuan në Jerzens.
Transmetuesi austriak ORF raportoi se disa lumenj ishin ngritur në nivele që nuk ishin parë në një shekull.
Ujëvara Gasteiner në Bad Gastein, Salzburg – zakonisht një vend i njohur për turistët – u bë pjesë e një përmbytjeje pas 24 orësh shiu të dendur.
Pamjet dramatike në mediat sociale treguan ujin me baltë që rrjedh me shpejtësi përmes ujëvarës, ndërsa ajo përpiqej të përballonte kushtet ekstreme.
#BREAKING #Austria #Salzburg Gasteiner Waterfall in historic spa town of Badgastein near Salzburg, Austria on the brink of flooding following heavy downpours . pic.twitter.com/kiKu0gUCGw
— The National Independent (@NationalIndNews) August 28, 2023
