Inspektorati i Komunës së Mitrovicës, ka mbyllur për një kohë të përkohshme një subjekt afarist në rrugën e Ulqinit.
Sipas njoftimit të komunës,gjatë këtij inspektimi, është konstatuar se biznesi nuk disponon certifikatën e regjistrimit të biznesit dhe lejen mjedisore, duke shkelur rregulloret ligjore. Ky inspektim siç bëhet e ditur ka ndodh pas kërkesave të shumta nga qytetarët.
“Gjatë këtij hulumtimi, u konstatua se subjekti afarist nuk disponon certifikatën e regjistrimit të biznesit dhe lejen mjedisore, duke shkelur rregulloret ligjore. Përveç kësaj, aktiviteti i këtij subjekti ka paraqitur një rrezik të madh për sigurinë e qytetarëve, veçanërisht në lidhje me menaxhimin e mbeturinave të hekurta. Vendosja e shiritave për mbyllje të përkohshme është bërë për të garantuar sigurinë dhe mirëqenien e qytetarëve. Ky rast thekson rëndësinë e respektimit të rregulloreve dhe lejeve për biznese të ndryshme, si dhe përgjegjësinë e tyre ndaj mjedisit dhe komunitetit ku operojnë” , thuhet në postimin e komunës./teve1.info
