Sami Ahmeti, kryeasamblist i Lëvizjes Vetëvendosje në Obiliq ka thënë se kjo komunë ka vendosur sot të miratojë Ligjin për Tatimin në Pronë, i cili parasheh faljen e 100 eurove nga tatimi në pronë për vitin 2023.
Ai ka thënë se “të gjithë ju që nuk keni paguar tatimin në pronë për vitin 2023 obligimet e juaja (deri në 100€) do të shlyhen, ndërsa në rast se tashmë keni paguar, vlera e faturës së vitit 2023 do të ju kompensohet për vitin 2024”.
“Me iniciativën e këshilltareve komunal të Lëvizjes VETËVENDOSJE! në Obiliq, të mbështetur nga këshilltarët opozitar në fillim të shkurtit patëm mbajtur seancë të jashtëzakonshme për faljen e tatimit në pronë për vitin 2023 për të gjithë banorët e Komunës së Obiliqit, ku edhe patëm dal me rekomandim pozitiv. Pasi që Kuvendi i Republikës së Kosovës ka miratuar plotësim/ndryshimin e Ligjit 08/L-224, i cili mundëson faljen e tatimit në pronë, Kuvendi Komunal në Obiliq sot mori vendim në favor të propozimit tonë. Andaj të gjithë ju që nuk keni paguar tatimin në pronë për vitin 2023 obligimet e juaja (deri në 100€) do të shlyhen, ndërsa në rast se tashmë keni paguar, vlera e faturës së vitit 2023 do të ju kompensohet për vitin 2024”, ka shkruar ai.
