Fryti dha që në debutim dhe për këtë sulmuesi Albion Rrahmani është vlerësuar nga Liga Profesionale e Rumanisë.
Sulmuesi Rrahmani ka zënë vend në ekipin me të mirë të xhiros së shtatë në kampionatin e Rumanisë, pasi ai shënoi dy gola në fitoren e Rapiditi te Bukureshtit në fundjavën e kaluar, ndonëse hyri si zëvendësues.
Për yllin dardan kjo ndeshje ishte debutuese dhe Liga Profesionale e Rumanisë nuk kishte se si të mos e rendit atë në ekipin me të mirë të xhiros së shtatë. Rrahmani, njashtu është shpallur edhe lojtari i ndeshjes edhe nga tifozët e Rapidit.
Liga Profesionale e Rumanisë gjithashtu kishte edhe një përshkrim për sulmuesin dardan në ndeshjen e parë, derisa e vlerësuan si debutim ëndrrash.
“I prezantuar në fillim të pjesës së dytë, Rrahmani kishte debutim ëndrrash. Dy gola dhe shumë aksione tjera në sulm e dërguan atë drejt në zemrat e tifozëve pasionantë të Rapidit”.
