Tëvë1 mëson se Misioni i Bashkimit Evropian për Sundim të Ligjit në Kosovë EULEX, krahas donacioneve tjera, dy vetura të tilla, ia dhuroi edhe Presidencës së Kosovës.
Këtë e kanë konfirmuar edhe nga vet kabineti i presidentes, Vjosa Osmani.
“Presidentja Osmani udhëton me vetura të blinduara sipas vlerësimit të rrezikshmërisë së bërë nga njësitë përkatëse të Policisë së Kosovës. Duke qenë se Presidenca nuk posedon në pronësi vetura të blinduara është pranuar një donacion nga EULEX-i, bazuar në praktikat e mëparshme të dhurimit të veturave nga ky mision për institucione të ndryshme në Kosovë”, ka thënë Kupina për Tëvë1.
Nga presidenca, po ashtu kanë thënë se në këtë mënyrë është kursyer buxheti i Presidencës dhe tani kanë në shërbim vetura të blinduara sipas standardeve përkatëse të sigurisë.
Se presidenca i pranoi dy vetura donacion, e kanë konfirmuar edhe nga Eulex.
Vetëm se këta të fundit, thonë se këto, nuk janë të parat që po i dhurojnë për institucionet e Kosovës.
“Vërtetë, EULEX-i i dhuroi dy automjete Presidencës së Kosovës, për ta lehtësuar punën e saj të përditshme. Nga viti 2012 e deri me sot, EULEX-i u ka dhuruar mbi 470 vetura institucioneve të ndryshme të Kosovës, përfshirë Ministrinë e Punëve të Brendshme, Policisë së Kosovës, Doganës së Kosovës, Shërbimit Korrektues të Kosovës, Këshillit Prokurorial të Kosovës dhe Këshillit Gjyqësor të Kosovës.
Ndërkohë, Elez Nikçi, ish-shefi i mbrojtjes se presidentit, Ibrahim Rugova, thotë se shkalla e sigurisë së veturës me të cilën udhëton presidentja, duhet të jetë sekrete.
Kronika e realizuar nga Fidan Zejnullahu
