Kryeministri Albin Kurti gjatë qëndrimit të tij në Athinë është takuar me homologun e tij nga Kroacia, Andrej Plenkoviq.
Marrëdhëniet mes të dyja vendeve ishin temë diskutimi, ka njoftuar Zyra e Kryeministrit.
“Të dy ndanë këndvështrimet e tyre mbi zhvillimet gjeopolitike në rajon dhe sfidat me të cilat ballafaqohet rajoni, duke mbetur të përkushtuar për bashkëpunim të afërt, në shërbim të interesave të përbashkëta dhe në linjë me Bashkimin Evropian dhe NATO-n”, thuhet në një komunikatë.
Teksa Kurti njoftohet se ka theksuar nevojën për zbatimin e plotë të Marrëveshjes së Brukselit.
“Folën edhe për dialogun e ndërmjetësuar nga Bashkimi Evropian ku Kryeministri theksoi nevojën për zbatimin e plotë, të shpejtë dhe të pakushtëzuar të Marrëveshjes Bazike të Brukselit dhe Aneksit të saj të dakorduar në Ohër”, thuhet tutje.
