Ministri i Pushtetit dhe Administrimit Lokal, Elbert Krasniqi, ka thënë se në fund të këtij muaji pritet të përfundoj hartimi i udhëzimit administrativ, i cili u mundëson qytetarëve që përmes peticionit të kërkojnë largimin nga detyra kryetarëve të komunave.
Ai i pyetur gjatë një vizite në Gjakovë, për procesin e zgjedhjeve në katër komunat në veri të Kosovës, ka thënë se ky proces do të derteminohet në ditët në vijmë, duke shtuar se si ministri kanë kryer obligimin me nisjen e punimeve për hartimin e udhëzimit.
“Sa i përket zgjedhjeve në veri është një proces që do të derteminohet ditëve në vijim, si ministri dhe si ministër kam mbuluar përgjegjësinë time duke fillu me udhëzimin administrativ i cili u jep të drejtën qytetarëve që përmes peticionit të kërkojnë largimin e kryetarëve nga detyra. Kjo nuk është vetëm për veriun. Në fund të muajit do të kemi një produkt nga grupi punues dhe atëherë mund të flasim për përmbajtjen e ti”, ka thënë Krasniqi, përcjell teve1.info
Hartimi i këtij udhëzimi ka filluar pas kërkesës së ndërkombëtarëve për zgjedhje të reja në veri, ku zgjedhja e kryetarëve shqiptar pasi serbët bojkotuan procesin krijoi tensione në veri.
Qeveria e Kosovës në marrëveshjen e Bratislavës ka shprehur përkushtimin për organizim të zgjedhjeve të reja në këtë pjesë të vendit, por ka insistuar se duhet të shikohet baza ligjore.
Për Qeverinë shkuarje në zgjedhje përmes kërkesës së qytetarëve me anë të peticionit është mënyra ligjore dhe më e mira.
BE dhe SHBA kanë ripërsëritu thirrjet për zgjedhje të reja, si kusht i heqjes së disa masave të vendosura ndaj Kosovës, të cilën e bëjnë përgjegjëse për situatën e krijuar në veri të vendit në maj dhe qershor./teve1.info/
