Ousmane Dembele do të jetë i gatshëm për rikthimin e tij në Ligue 1 për herë të parë që prej vitit 2016.
Skuadra e drejtuar nga Luis Enrique, Paris Saint-Germaini, mbrojtjen e titullit do ta nisë të shtunën nga ora 21:00, kur ballafaqohet me Toulousen në udhëtim.
Te PSG-ja është kthyer edhe Kylian Mbappe në skuadër.
Toulouse nuk është skuadër për t’u nënvlerësuar, pasi në edicionin e fundit e fitoi Kupën e Francës.
Ndërkohë, PSG-ja në ndeshjen e xhiros së parë të kampionatit, barazoi pa gola në “Parkun e Princave” ndaj Lorientit.
Ish-sulmuesi i Rennesit, Dembele, do të luajë në elitën franceze të futbollit pas shtatë vjetësh, pas periudhës së kaluar në Gjermani te Borussia Dortmundi dhe në Spanjë te Barcelona.
Trajneri Luis Enrique ka thënë se ai mund të jetë titullar në këtë ballafaqim.
Ndërkohë për Mbappen ka thënë se është në formë të shkëlqyer dhe me dëshirë shumë të madhe për lojë.
Në ndeshjet e ndërsjella PSG-ja ka shënuar 28 fitore nga 41 sa i kanë zhvilluar gjithsej këto dy ekipe.
Toulouse ka tetë fitore.
