Në këtë gjendje dhe me fasho mjekësore erdhi Arben Arifaj.
Kjo si pasojë e kafshimit nga qentë endacakë në një rrugë të Prishtinës, pasditen e së enjtes.
Ai ka treguar se kafshimi nga qentë kishte ndodhur pa pritur, pasi që prezencën e tyre nuk e kishte vërejtur fare.
Arifaj ka potencuar se deri në emergjencë është dërguar nga kalimtarë të rastit, pasi që nga rrjedhja e madhe e gjakut nuk mund të prisnin ekipin e emergjencës në vendngjarje.
Nga emergjenca, Arifaj tregon se është dërguar për në Infektivë, por që pavarësisht lëndimit në këmbë, ai u detyrua që distancën mes klinikave ta bëj në këmbë.
Për këtë ndodhi, Arifaj të premten e ka paraqitur rastin edhe në Polici.
Vazhdimisht ka pasur kritika për qarkullimin dhe trajtimin ndaj qenve endacakë.
