Ministri i Punëve të Brendshme, Xhelal Sveçla ka reaguar pas dorëheqjes së shtatë serbëve nga Policia e Kosovës.
Sipas tij, policët po detyrohen të japin dorëheqje nga kërcënimet dhe presionet nga institucionet e sanksionuara të Beogradit.
Ai po ashtu ka thënë se komuniteti ndërkombëtar duhet të reagojë ashpër ndaj Serbisë për këtë sjellje.
“Policët po detyrohen të japin dorëheqjen përmes kërcënimeve dhe presioneve nga institucionet e sanksionuara të Beogradit. Në këtë mënyrë ata qëllimisht po dëmtojnë pakicën serbe në Kosovë, duke shkelur sovranitetin tonë. Kjo duhet të ndalojë. Komuniteti ndërkombëtar duhet të reagojë ashpër ndaj sjelljes së Serbisë”, ka shkruar Sveçla në Twitter.
Pak më parë, presidentja Vjosa Osmani ka konfirmuar që numri i serbëve që kanë dhënë dorëheqje nga Policia e Kosovës është shtatë. /Teve1.info/
