Deputeti i AAK-së, Bekë Berisha ka reaguar pas arrestimit të Ridvan Muharremit.
Në një postim në Facebook, Berisha ka pyetur Muharremin “pse nuk t’hollon petët e laknorit po përzihesh në kontrabandë botërore të armëve”, përcjell teve1.info
“Pse veç në Kosovë furraxhia pretendon me u bo mafiash , po pse more Ridi nuk t’hollon petët e laknorit po përzihesh në kontrabandë botërore të armeve! Vjedhja në vaj kemi mirëkuptim sepse vaji ka lidhje me burek! Por armë dhe laknor nuk kanë lidhje!”, ka shkruar ai.
Pas një aksioni disaorësh mëngjesin e sotëm, Policia e Kosovës ka arrestuar Ridvan Muharremin, në lokalin e tij “Bukë e Zemër”.
PK-ja ka zhvilluar një aksion në shtëpinë dhe lokalin e Muharremit, njeriut që në disa përgjime përmendet rreth sigurimit të rezervave shtetërore.
Bastisje ka pasur edhe te Ministria e Tregtisë, ku sipas raportimeve janë arrestuar dy zyrtarë të MINT-it, Hafiz Gara dhe Irfan Lipovica, nën dyshime për dallavere me rezervat shtetërore. /Teve1.info/
Afera e vajit – Bastisje te banesa dhe lokali i Ridvan Muharremit
