Policia e Kosovës ka njoftuar qytetarët dhe bashkatdhetarët për mundësitë e kalimit në pikat e tjera të kalimit kufitar.
Kjo sipas Policisë, me qëllim të lehtësimit dhe ikjes së pritjeve të gjata, për shkak të fluksit të madh në disa nga pikat e kalimit kufitar dhe pritjeve që po shkaktohen, në veçanti në pikën kufitare në Merdar.
Derisa i është bërë lutje qytetarëve që të shfrytëzojnë edhe pikat e tjera me Serbinë.
“Për shkak të fluksit të madh në disa nga pikat e kalimit kufitar (pritjeve që po shkaktohen, në veçanti në pikën kufitare në Merdar), me qëllim të lehtësimit dhe ikjes së pritjeve të gjata, Policia e Kosovës njofton qytetarët dhe bashkatdhetarët për mundësitë e kalimit në pikat e tjera të kalimit kufitar, si dhe i lut qytetarët që të shfrytëzojnë edhe pikat e tjera me Serbinë siç janë : PKK Muqibab, Jarinje, Bernjak dhe Mutivodë në të cilat pika ka më pak pritje e ndërsa në orët e mbrëmjes nuk ka pritje fare në të shumtën e rasteve”, thuhet në njoftim.
“Njëkohësisht ju mund t’i referoheni WEB – it të Ministrisë së Punëve të Brendshme të Republikës së Kosovës, ku dhe gjeni raportimin mbi fluksin në pikë kalimet kufitare: https://mpb.rks-gov.net/ Policia e Kosovës ju uron rrugë të mbarë!”, thuhet tutje.
Ndryshe, më shumë se tri orë e gjysmë pritje të qytetarëve janë regjistruar në dalje të Kosovës në pikën kufitare në Merdarë mëngjesin e së martës.
Sipas Qendrës Kombëtare për Menaxhim Kufitar të Ministrisë së Punëve të Brendshme, kolonat e veturave në këtë pikëkalim janë deri në 2 kilometra e 200 metra.
Kolona dhe pritje më të shkurtra dhe janë regjistruar edhe në pikëkalimin kufitar te Dheu i Bardhë, ku për të dalë nga Kosovë qytetarët po presin deri në një orë./teve1.info./