Policia e Kosovës ka arrestuar personin e dytë lidhur me vrasjen e rëndë që ka ndodhur në Mitrovicë, dy ditë më parë.
25-vjeçari është arrestuar sot dhe ndaj tij është shqiptuar masa e ndalimit për 48 orë.
Lajmin e ka bërë të ditur Policia e Kosovës, të cilët sot kanë arrestuar edhe personin e parë që dyshohet se është përfshirë në veprën penale “Vrasje e rëndë”.
“Si rrjedhojë e hetimeve lidhur me veprën penale ”vrasje rëndë”, hetuesit e Sektorit Rajonal të Hetimeve mbi dyshime të bazuar në orët e mesditës së sotme kanë identifikuar dhe arrestuar edhe personin e dytë të dyshuar për përfshirje në veprën penale “vrasje e rëndë”, e ndodhur me datën 12 gusht 2023 në Mitrovicë. Me aktvendim të prokurorit të dyshuarit K. M., 25 vjeçar, i është caktuar masa e ndalimit policor për 48 orë”, thuhet në njoftimin e Policisë së Kosovës./teve1.info/
