Një vdekje e dyshimtë që ishte raportuar më 12 gusht në Mitrovicë është rikualifikuar pas autopsisë dhe është cilësuar si vrasje e rëndë, raporton teve1.info
Lajmin për medie e ka bërë të ditur Policia e Kosovës derisa e ka arrestuar të dyshuarin Xh.N.
Rasti ishte raportuar në Polici të shtunën në rrugën e UÇK-së në Mitrovicë në orën 17:15.
“Me 12.08.2023, rreth orës 17:15 është raportuar se në rrugën e UÇK -së, në Mitrovicën e Jugut, një person është gjetur një person pa shenja jete. Në vendin e ngjarjes është identifikuar se peroni i pajetë është viktima S. M., 65 vjeçar. Fillimisht rasti është kualifikuar si vdekje e dyshimtë, prokuroi i rastit ka urdhëruar që trupit të viktimës t’ i bëhet autopsia në Institutin e Mjekësisë Ligjore (IML).
Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43 vjeçar, shtetas i Republikës së Kosovës. Lidhur me rasti në cilësi të provës materiale është konfiskuar vetura e viktimës e cila është gjetur në posedim te i dyshuari.
Me aktvendim të prokurorit, të dyshuarit i është caktuar masa e ndalimit për 48 orë. Ndërsa, rasti nga vdekje e dyshimtë është ri-kualifikuar në veprën penale ‘vrasje e rëndë’”, thuhet në komunikatë.
