Tani e tutje, avokatët e licencuar nga Kosova do të mund të ushtrojnë funksionin e tyre edhe në Republikën Federale të Gjermanisë. Ky lajm është mirëpritur nga ambasadori gjerman në Kosovë, Jorn Rohde.
Përmes një postimi në Facebook, ai e ka cilësuar si lajm të mirë regjistrimin e avokatëve kosovarë në Gjermani, përcjell teve1.info
“Zhvillim emocionues! Avokatët kosovarë tani mund të regjistrohen pranë shoqatave të avokatëve gjerman. Ky hap premton të rrisë bashkëpunimin ekonomik dhe të përmirësojë ekzekutimin e projektit ndërkufitar gjermano-kosovar. Një hap i rëndësishëm përpara!”, shkroi Rohde në Twitter.
Lajmi u bë i ditur dje nga ambasadori i Kosovës në Gjermani, Faruk Ajeti, i cili theksoi se avokatët nga Kosova tani njihen zyrtarisht nga Gjermania.
“Kjo është një arritje e jashtëzakonshme jo vetëm për marrëdhëniet e shkëlqyera ndërmjet dy shteteve tona, por edhe për drejtësinë kosovare. Të njohur nga një vend i rëndësishëm si Gjermania, avokatët nga vendi ynë mund të përfshihen më lehtë në raste ndërkombëtare dhe të ofrojnë ekspertizën e tyre në çështje juridike”, ka shkruar ai në Facebook.
Großartige Neuigkeiten! Kosovarische 🇽🇰 Anwälte sind offiziell in der Bundesrepublik Deutschland zugelassen. Damit öffnen sich neue Türen, denn sie können nun Mitglieder deutscher Rechtsanwaltskammern werden. Großer Dank ans Bundesjustizministerium für das Vertrauen! 🇽🇰🤝🇩🇪🇪🇺 pic.twitter.com/VKxL7Jjq7i
— Faruk Ajeti (@FarukAjeti) August 10, 2023
