Ministri i Mbrojtjes, Ejup Maqedonci, sot ka pritur në takim atasheun e mbrojtjes të Republikës së Turqisë, kolonel Çağdaş Akif Kahraman.
Sipas njoftimit, Kahraman e ka uruar ministrin Maqedonci në detyrën e tij të re.
“Me këtë rast, ministri Maqedonci theksoi se Turqia është njëri ndër shtetet aleate të Republikës së Kosovës dhe e siguroi se ky bashkëpunim i shkëlqyer do të vazhdojë për të përmbushur planin bilateral dhe synimin e Ministrisë së Mbrojtjes në avancimin e Forcës së Sigurisë së Kosovës dhe partneritetit ndërmjet të dyja shteteve”, thuhet në njoftim./teve1.info./