Policia e Kosovës ka njoftuar se gjatë kontrollit të një veture dhe tre të dyshuarve në Prishtinë ka gjetur dhe sekuestruar dy thika dhe një sasi të substancave narkotike.
Sipas njoftimit, të dyshuarit janë shtetas të Republikës së Kosovës, teksa ndaj tyre është iniciuar hetim në drejtim të veprave penale “Mbajtje në pronësi kontroll ose posedim të pa autorizuar të armës” si dhe “Posedim i paautorizuar i substancave narkotike, psikotrope ose analoge”.
“Ndaj të dyshuarve;
– K. R, mashkull, 29 vjeç, shtetas i Republikës së Kosovës,
– L. H, mashkull, 29 vjeç, shtetas i Republikës së Kosovës, si dhe,
– B. N, mashkull, 26 vjeç, shtetas i Republikës së Kosovës,
me rekomandimin e prokurorit të shtetit është iniciuar hetim në drejtim të veprave penale “Mbajtje në pronësi kontroll ose posedim të pa autorizuar të armës” si dhe “Posedim i paautorizuar i substancave narkotike, psikotrope ose analoge”.
Ndërkohë që janë kryer veprimet policore të fazës fillestare, në konsultim me prokurorin e shtetit të dyshuarit janë proceduar më tej, ndërkaq i dyshuari i tretë ka rezultuar të jetë i kërkuar me urdhëresë gjykate dhe i njëjti pas arrestimit është dërguar në vuajtje të dënimit”, thuhet në njoftim./teve1.info./
