Chelsea ka njoftuar zyrtarisht se Angelo Gabriel i është bashkuar Strasbourgut në formë huazimi.
“Anësori brazilian, Angelo Gabriel, ka nënshkruar një transferim të huazuar për një sezon te skuadra e Ligue 1, Strasbourg”, thuhet në njoftimin e Chelseat.
“18-vjeçari iu bashkua Chelseat në fillim të kësaj vere nga Santos dhe ishte pjesë e skuadrës së parë për udhëtimin tonë parasezonal në Shtetet e Bashkuara. Ai u paraqit në miqësoret kundër Wrexham, Brighton and Hove Albion dhe Fulham”.
“Angelo tani do të vazhdojë zhvillimin e tij në ligën e parë franceze me Strasbourgun, i cili drejtohet nga ish-menaxheri i Nice dhe Crystal Palace, Patrick Vieira”, thuhet më tej në njoftimin e Chelseat.