Armend Mehaj, sot ka dhënë dorëheqje nga pozita e ministrit të Mbrojtjes. Ai ka thënë se nga ky post është larguar për arsye familjare.
Por, njohësi i fushës së sigurisë, Bedri Elezi, vlerësoi dorëheqja e paparalajmëruar e Mehajt krijon hapësirë për dyshime se ai ka pasur probleme serioze në kryerjen e detyrës së ministrit.
“Një person me kredibilitet siç ishte Mehaj të japë dorëheqje të paparalajmëruar është shqetësim në vete dhe të lë të dyshosh se i njëjti ka pasur probleme serioze në punën e tij dhe i njëjti është linçuar dhe atakuar pikërisht për shkak të marrëdhënieve që kishte ndërtuar me ShBA-në. Nuk e përjashtojmë mundësinë që mund të ketë ndonjë problem shëndetësor, por në fakt është problem për tu vërtetuar. Nëse e marrim parasysh punën që Mehaj e ka bërë deri tani, do të ishte më mirë të paralajmërohej qoftë edhe dy ditë më herët”, deklaroi Elezaj në emisionin “Ditari”.
Ndërkaq, sa i përket situatës së sigurisë në veriun e Kosovës, Elezaj tha se është e qetë, por njëkohësisht vazhdon të jetë e brishtë.
“Situata e sigurisë nuk është e qetë për shkak të ndonjë aktiviteti të shtuar, por që Kosova është tërhequr nga kërkesat për shtrirjen e sovranitetit atje”, shtoi tutje Elezaj në Tëvë1.
Më tej, Elezaj shtoi se me ardhjen e kryetarëve të rinj në komunat veriore, do të përforcohen më shumë strukturat kriminale atje.
“Do t’i kenë vendet e tyre në institucionet e sigurisë së Kosovës”, theksoi Elezaj.
Kujtojmë që Ministri i deritashëm i Mbrojtjes Armend Mehaj, do të pasohet nga koloneli i Forcës së Sigurisë së Kosovës, Ejup Maqedonci./teve1.info/.
