Këshilltarja e kryeministrit Albin Kurti për Preshevë, Medvegjë dhe Bujnoc, Ardita Sinani, ka njoftuar se mbrëmë rreth orës 21:00, përsëri është ndaluar në vendkalimin e njëjtë me Kosovën, respektivisht në Muçibabë.
Sinani në Facebook tha se edhe kësaj radhe nuk kishte asnjë sqarim dhe arsyetim rreth kësaj ndalese.
“Kjo është Serbia me të cilën si shqiptarë të Luginës së Preshevës ballafaqohemi çdo ditë. Kjo është Serbia për pakicat kombëtare”, tha ajo.
Lidhur me ndalimin e Sinanit në vendkalimin me Kosovën ka reaguar sot edhe deputeti shqiptar në kuvendin e Serbisë, Shaip Kamberi.
Ai përmes një konference për medie ka kërkuar që Bashkësia Ndërkombëtare ta hetojë rastin në fjalë.
Ndryshe, Sinani u ndalua edhe në mëngjesin e ditës së djeshme. Për këtë e njëjta kishte raguar duke thënë se një ndalim i tillë nga policia serbe është kosto e të qenit këshilltare e kryeministrit Kurti, derisa ka thënë se ky rast është shtytje për të folur me zë më të lartë për diskriminimin shtetëror ndaj shqiptarëve në Serbi./teve1.info./
