Robin Krasniqi bashkë me boksierët e tjerë në ambientet e hapura të Tëvë1 në një “prematch shoë” kanë kryer stërvitjet e lehta para meçeve të së shtunës me 5 gusht në kryeqytet. Në këtë show ishte i pranishëm edhe kundështari i Krasniqit, Nadjib Mohammedi.
Ish-kampioni i Botës, Robin Haxhi Krasniqi ndihet më i përgatitur si asnjëherë me parë, ai tha se nga “tapeti” do të dal fitues.
“Jam i lumtur që boksoj në vendin tim, normal ka qenë synim ky meç dhe të gjejmë një kundërshtarë të fortë, do të tregoj punën që kemi bërë muajt e fundit në përgatitje. Jam profesionist dhe do të kontrolloj çdo, e të dal fitues i fortë”, tha Krasniqi për Tëvë1.
Boksieri Krasniqi teksa para të pranishmëve po tregonte aftësitë, bie në sy nga ana tjetër kundërshtari i tij Mohammedi, duke studiuar lëvizjet e boksierit shqiptar. Ndërsa vetë Mohammedi tha se ka shëtitur vende të ndryshme për tu përgatitur sa më mirë para këtij meçi.
“Njerëzit janë shumë të mirë. Jam shumë i lumtur që jam këtu, për meçin. Falemnderit shumë për këtë mundësi të madhe. Jam shumë i gatshëm dhe ndihem përfekt. Jam përgatitur mjaft mirë. Kam udhëtuar në France, Spanjë dhe disa shtete tjera. Kam pas “sparing” për këtë meç dhe gjithçka është në rregull. Pres që mbështetësit e mi të më përkrahin. Ju deshironi të më shihni mua të fitoj tituj. Ju më përkrahni, më shtyni mua dhe unë e vlerësoj këtë gjë”, tha Mohammedi.
Kursë nga një koment para ndeshjeve të tyre kishin edhe boksierët shqiptarë si Ahmeti, Tahirukaj, Jakaj, Kelmendi, Kraft dhe Xhoxhaj. Ahmeti thotë se janë pasardhës te Robin Haxhi Krasniqit.
“Jam mundu të përgatitëm sa më mirë, për të gjithë publikun që do të vije ti bëjë krenar dhe të dijnë të gjithë se ka edhe boksier të tjerë, përveç kampionit të botës Robinit. Ne jemi pasardhës të tij”, është shprehur Ahmeti për Tëvë1. Ndërsa Tahirukaj ndjehet i emocionuar si kurrë me parë.
“Kurrë me parë nuk kam pas emocione me të mëdha se tani, jam në vendin tim dhe shpresoj të shpërblehemi me fitore”, tha Tahirukaj. Kurse edhe Bernardin Jakaj pret të shpërblehet me fitore, ndërsa Isuf Kelmendi ndjehet krenar që do të ndeshet në vendin e tij dhe pret që të dal i gëzuar nga “tapeti”. Përdallim nga të tjerët Kraft thotë se do të jetë një atmosferë e zjarrtë në “Fadil Vokrri”: “Do të jetë një atmosferë, që edhe ju keni mu kall”, është shprehur shkurtimisht Kraft. Derisa Xhoxhaj ka tre muaj që përgatit intensivisht dhe të shtunën pret të garoj e të dal si triumfues.
Të shtunën me 5 gusht, tëvë 1 dhe telkos vijnë me transmetim ekskluziv të të gjitha meçeve dhe me emisione të veçanta kushtuar një prej mbrëmjeve më të mëdha të boksit shqiptar.