Nga sot, bankat në Kosovë e kanë për detyrë që të ofrojnë llogari bazike falas. E kjo sipas ministrit të Financave, Hekuran Murati do ta zgjidh problemin e kostos së lartë të mirëmbajtjes për nënat që marrin shtesa për fëmijët e tyre.
Sipas Muratit, mbi 350 mijë fëmijë tani marrin shtesa çdo muaj, e mbi 90 mijë gra hapën për herë të parë llogari bankare, përcjell teve1.info
“Sot mund të ndajmë edhe një lajm të mirë për të gjithë. Me rregulloren e re të BQK-së, nga data 1 gusht 2023, bankat kanë për detyrë të ofrojnë llogari bazike falas ose me kosto minimale që nuk kalon 0.54 centë/muaj. Tani e tutje pra, po zgjidhet edhe problemi i kostos së lartë për mirëmbajtje mujore të llogarive bankare ku nënat pranojnë shtesat për fëmijët e tyre. Vazhdojmë!”, ka shkruar ai në Facebook.
