Problemet te Gjilani nuk kanë të “sosur”. Avazi i largimeve s’ndalon, pasi këtë të martë katër futbollistë kanë konfirmuar largimin nga kuqebardhët: Mevlan Zeka, Arbër Prekazi, Armend Halili dhe Baton Zabërgja.
Si Zeka, ashtu edhe Prekazi, Halili dhe Zabërgja nëpërmjet profileve zyrtare në rrjetin social Facebook kanë njoftuar se kanë ndarë rrugët me Gjilanin.
Të katërt futbollistët kishin ende kontrata me Gjilanin, por kanë marrë fletlëshimet nga klubi dhe tani janë futbollistë të lirë.
Më herët nga Gjilani janë larguar edhe Arbnor Ramadani që është bashkuar me Llapin dhe Egzon Sinani që është transferuar te Prishtina.
Rrugën e Zekës dhe Prekazit pritet ta ndjekin edhe futbollistët tjerë si Granit Jashari, Përparim Islami, Yll Hoxha, Besar Musolli e të tjerët që kanë bartur barrën kryesore të klubit në vitet e fundit.
