Klubi basketbollistik Trepça ka prezantuar një transferim të madh të shtunën në mbrëmje.
Klubi mitrovicas ka bërë të ditur marrëveshjen me organizatorin Devon van Oostrum, i cili sezonin e fundit luajti për kampionin e Sllovakisë, Levice.
Van Oostrum në sezonin që u shpall kampion regjistroi 10.6 pikë dhe 5.1 asistime për ndeshje.
Organizatori 193 centimetra i gjatë, 30 vjeç, përveç Levices, ka luajtur edhe për Baskonian, Cibonan, MZT, Heroes Den Bosch, Koroivos, London Lions e ekipe të tjera.
