Kryeministri i Kosovës, Albin Kurti, ka ripërsëritur qëndrimin e Qeverisë së Kosovës për gatishmërinë për zgjedhje të reja në katër komunat në veri të Kosovës.
Ai ka thënë se marrëveshja për de-përshkallëzim të situatës ndërmjet, zëvendëskryeministrit të Kosovës, Besnik Bilimit dhe të dërguarit të BE-së, Miroslav Lajçak duhet zbatuar
“Marrëveshja duhet zbatuar, nuk besoj se dikush pret që të mbahen zgjedhje pa de-eskalimin e situatës. Ne jemi duke u përgatitur që të ketë zgjedhje të reja në veri”, ka thënë Kurti në konferencën për media të mërkurën pas mbledhjes së Qeverisë, raporton teve1.info.
Por, Kurti ka thënë se me këtë përvojë të re që po përballen institucionet e Kosovës, me ndërprerje të mandatit të kryetarëve, dëshirojnë të sigurohen që të bëhet në mënyrë ligjore.
“Jemi të interesuar që zgjedhje në katër komunat të kemi së më parë dhe procesi të shkojë sa më barë. Ne do të punojmë që të sigurohemi që kjo ndërprerje e mandatave të kryetarëve të jetë në mënyrë ligjore. Por si vullnet politik jemi të interesuar që të mbahen sa më shpejtë”, tha Kurti.
Bashkimi Evropian dhe SHBA kanë kërkuar që zgjedhjet e reja për kryetar komune në veri të organizohen dhe të mundësohet edhe pjesëmarrja e serbëve.
