Shërbimi i Kërkim-Shpëtimit Malor i Kosovës ka bërë të ditur se personi me inicialet D.B është gjetur pa shenja jete afër Majës së Kopranikut – Bjeshkëve të Nemuna.
I njëjti kishte dalë me një të afërm të tij për ecje rekreative, kur kishte pësuar atak kardiak afër një burimi të ujit.
“Viktimën mashkull me inicialet D.B. sipas edhe informatave të mëparshme shpëtuesit tanë e gjejnë afër burimit të ujit që gjendet afë majes në 2000m/Lmd pa shenja jete. Pas ekzaminimeve të vendit të ngjarjes nga ana e Policisë dhe me konsultim edhe te prokurorit të shtetit, shpëtuesit tanë filluan bartjen e viktimës deri ne vendin ku edhe ka mundur te arrij ekipi mjekësor të cilët pas ekzaminimit të viktimës konstatojnë vdekjen si pasoje e arrestit Kardiak”, ka njoftuar Shërbimi i Kërkim-Shpëtimit Malor i Kosovës.
Kjo organizatë tutje ka bërë të ditur se viktima është bartur në një terren të vështirë për bartje dhe më pas është dorëzuar në spitalin e qytetit të Pejës për ekzaminime të mëtutjeshme.
