Në këtë sallë, për disa muaj u kryen ekzaminimet nga materiale që u dhuruan nga institucione tjera.
Dështimi i tenderëve për furnizim me materiale për autopsi dhe ekzaminime klinike, bëri që Institutit të Mjekësisë Ligjore t’i harxhoheshin rezervat e këtyre materialeve.
Por, pa to nuk i la Ministria e Shëndetësisë e Kryqi i Kuq.
Megjithatë, problematike llogaritet të ketë qenë kjo periudhë kohore, sipas ushtruesit të detyrës së drejtorit në IML, Ditor Haliti.
Në vlerë prej 79 mijë eurove është nënshkruar kontrata që siguron furnizimet me këto material për IML, në kuadër të Ministrisë së Drejtësisë.
Këto parashihen të jenë në dispozicion në një periudhë kohore prej 36 muajve.