Ish-nënkryetari i Komunës së Mitrovicës, Faruk Mujka, ka reaguar për herë të parë pas arrestimit nën dyshimin për korrupsion dhe keqpërdorim të detyrës zyrtare e më pas lirimit për t’u mbrojtur në liri.
Mujka ka shkruar se asnjëherë nuk do t’i ikë drejtësisë por edhe se asnjëherë nuk do të pranojë që të shfrytëzohet “për t’u baltosur puna e Qeverisë”.
“Por gjithsesi asnjëherë nuk do të pranoj të jem pre e politikave ditore e partiake dhe që unë të shfrytëzohem për t’u sulmuar e baltosur puna dhe sukseset e Qeverisë në përgjithësi dhe posaqërisht Kryeministrit në veçanti”, ka ashkruar Mujka.
Mujka tutje ka shkruar se “shumë vetë do të ndihen të turpëruar por mbi të gjitha edhe të çliruar nga puna e lodhshme e shërbyesit të djallit”.
