Bianor Neto nuk do të jetë më pjesë e Llapit. Siç njofton klubi llapjan, Neto është larguar me marrëveshje të dyanshme. Neto ishte pjesë e Llapit prej vitit 2021. Ai ishte transferuar nga skuadra e Shkupit.
“Neto u paraqit për ekipin tonë në gjithsej 72 ndeshje, 58 në kampionat, 11 herë në Kupë, dy herë në Superkupë dhe një herë në Ligën e Konferencës. Gjatë periudhës dy vjeçare me ekipin tonë, Neto arriti shifrën e 11 golave dhe 5 asistimeve.
Klubi e falënderon futbollistin Neto për angazhimin dhe kontributin e dhënë si dhe i dëshiron shumë suksese në vazhdim të karrierës”, shkruan në njoftimin e Llapit.