Deputetja nga Aleanca për Ardhmërinë e Kosovës, Albana Bytyqi, ka reaguar pas përleshjes së djeshme në Kuvend.
Bytyqi ka shkruar se për shkak të shefes së grupit parlamentar të Lëvizjes Vetëvendosje, Mimoza Kusari-Lila, Kuvendi i Kosovës dje eskaloi deri në grushte e shuplaka, duke u bërë edhe lajm ndërkombëtar.
“Më duhet qetësia e Mimozës në jetë. Si ka mundësi që për shkak të veprimeve të një personi Kuvendi i Kosovës dje eskaloi deri në grushte e shuplaka e u bë lajm ndërkombëtar, derisa e nderuara zonja në fjalë, Mimoza Kusari, me një nonshalancë të paparë, rri e ulur në ulësen aq të merituar të Kuvendit”, ka shkruar Bytyqi në Facebook.
“Vëllezërit shqiptarë le të grushtohen, por me Simiqin me rëndësi me pas raporte miqësore e ia hapim zemrën për Ramushin e të tjerët. Bravo Mimozë!”, ka përfunduar Bytyqi./teve1.info/.
