Sot në ora 10:00, do të mbahet ceremonia e diplomimit të gjeneratës së 58-të të Policisë së Kosovës, në sallën “1 Tetori” në Prishtinë.
Në këtë ceremoni pritet të marrin pjesë personalitetet më të larta shtetërore, përfshirë përfaqësues nga institucionet vendore dhe ndërkombëtare, familjarë të zyrtarëve policorë që do të diplomojnë dhe eprorë të Policisë së Kosovës, raporton Klan Kosova.
Personalitetet e larta shtetërore dhe menaxhmenti i Policisë së Kosovës do të iu drejtohen të pranishmëve me nga një fjalë rasti.
Njëherit, në këtë ceremoni do të shpërndahen edhe certifikatat për të diplomuarit.
