Shefi i deputetëve të LDK-së në Kuvendin e Kosovës, Arben Gashi, e ka filluar fjalimin tij në Kuvend duke i përshëndetur deputetët me “të nderuar kolegë”, kurse kryeministrin Kurti me “zdravo Albin”, raporton teve1.info
Ai këtë diskutim e pati pas disa audio-incizimeve të publikuara në media të shefes së Grupit Parlamentar të VV-së, Mimoza Kusari-Lila me ish deputetin e Listës Serbe në Kuvend, Sllavko Simiç.
“Faleminderit kryetar i Kuvendit, të nderuar kolegë, zdravo Albin”, është fjalia hyrëse në Parlament e deputetit Gashi.
Ai tha bisedën e publikuar në medie të Kusari-liës e quajti skandal të cilin tha s ky kuvend nuk mund ta përballoj.
“Skandali i komunikimit me një person me kërkim ndërkombëtar për vrasje nga organet e Kosovë dhe në listën e zezë nga SHBA, dhe atë me izën e kryeministrit është një skandal shumë shumë i rëndë dhe ky Kuvend nuk mundet ta përballoj një gjë të tillë”, tha Gashi.
Ai shtoi se nuk pret përgjigje nga kryeministri pasi sipas tij ky komunikim është bërë me lejen e tij.
“Nuk pres përgjigje prej kryeministrit sepse kjo është bërë me izën e tij, kur ia ka dhënë numrat dhe komunikimin i ka thënë jo me deputet shqiptarë të Kuvendit. Mua asnjëherë nuk më ka thirr me fol se si të stabilizohet Kuvendi, por ky nuk është i vetmi skandal. Skandali tjetër është në Sllovaki nga zv.kryeminsitri i cili thotë se duhet të tërhiqen 25 për qind e forcave speciale menjëherë dhe më vonë edhe 25 për qind gjatë ditëve në vijim”, shtoi Gashi i cili i përmendi edhe disa veprime tjera të Qeverisë të cilat i quajti skandale.
