Pesë aksidente trafiku me të lënduar kanë ndodhur gjatë 24-orëve të fundit në rajone të ndryshme në Kosovë, raporton teve1.info
Sipas Policisë së Kosovës, një rast ka ndodhur në qytetin e Vitisë, ku është lënduar njëri nga ngasësit e dy veturave të përfshira në aksident.
I lënduari pas trajtimit mjekësor është liruar në shtëpi.
“Rr. Kllokot, Viti 12.07.2023 – 08:30. Ka ndodhë një aksident trafiku me lëndime ku të përfshirë kanë qenë tri automjete të udhëtarëve me targa vendore dhe me drejtues meshkuj kosovarë. Si pasojë e aksidentit lëndime trupore ka pësuar njëri drejtues i automjetit dhe pas tretmanit mjekësor lirohet për në shtëpi”, thuhet në komunikatë.
Sipas raportit policor, gjatë ditës së mërkurë kanë ndodh edhe dy aksidente trafiku me lëndime trupore në Prizren.
Në rastin e parë janë përfshirë tri vetura me targa vendore në aksident ku është lënduar njëri drejtues i automjetit dhe katër bashkudhëtarë.
Të nëjjtit pas trajtimit mjekësor janë liruar për në shtëpi.
“Fsh. Pirane, Prizren 12.07.2023 – 11:25. Ka ndodhë një aksident trafiku me lëndime ku të përfshirë kanë qenë tri automjete të udhëtarëve me targa vendore dhe me drejtues meshkuj kosovarë. Si pasojë e aksidentit lëndime trupore kanë pësuar një drejtues i automjetit si dhe katër pasagjerë. Te lënduarit , pas tretmanit mjekësorë lirohen për në shtëpi”, thuhet në njoftimin e Policisë.
Ndërsa aksidenti i dytë në Prizren ka ndodhur në fshatin Lukinaj, ku si pasojë janë lënduar dy vozitësit e automjeteve si dhe një pasagjer.
Të gjithë të lënduarit pas trajtimit mjekësor janë liruar për në shtëpi.
“Fsh. Lukinaj, Prizren 12.07.2023 –09:15. Ka ndodhë një aksident trafiku me lëndime ku të përfshirë kanë qenë dy automjete te udhëtarëve me targa vendore dhe me drejtues meshkuj kosovarë. Si pasojë e aksidentit lëndime trupore kanë pësuar dy vozitësit e automjeteve si dhe një pasagjer. Të lënduarit pas tretmanit mjekësorë lirohen për në shtëpi”, thuhet në komunikatën e Policisë.
Po ashtu gjatë 24-orëve të kaluara edhe dy aksidente me të lënduar janë regjistruar në Rajonin e Mitrovicës.
Aksidenti i parë ka ndodhur në fshatin Shupkofc, ku janë përfshirë tri vetura dhe si pasojë lëndime trupore kanë pësuar gjatë veta.
Të gjithë të lënduarit pas trajtimit mjekësor janë liruar për shtëpi.
“Fsh. Shupkovc, Mitrovicë 12.07.2023 – 14:40. Tri vetura civile me drejtues meshkuj kosovarë janë përfshirë në aksident trafiku në mes veti. Si pasojë e aksidentit lëndime trupore kanë pësuar 4 femra dhe 2 meshkuj kosovarë. Të lënduarit pas pranimit të tretmanit mjekësore janë liruar”, thuhet në komunikatë.
Ndërsa aksidenti i fundit i regjistruar me të lënduar gjatë ditës së kaluar në Kosovë ka ndodhur në sheshin “Mehë Uka” në Mitrovicë, ku ngasësja e trotinetit e mitur e ka goditur një vajzë në cilësinë e këmbësores duke i shkaktuar lëndime trupore.
E lënduara është duke u trajtuar në Spitalin e Mitrovicës.
“Sheshi Meh Uka, Mitrovicë 12.07.2023 – 17:20. Ka ndodhur një aksident trafiku në mes një trotineti me drejtues të dyshuarën femër kosovare e mitur dhe këmbësores- viktimës femër kosovare. Si pasojë e aksidentit lëndime trupore ka pësuar viktima e cila është duke u trajtuar në spitalin e Mitrovicës”, thuhet në komunikatë.
