Gjatë ditës së sotme, Inspektorati i Tregut po bën kontrolle të pikave shitëse të karburanteve të naftës, për t’u vërtetuar se qytetarët nuk po mashtrohen në sasinë e karburanteve që paguajnë.
Sipas njoftimit, nëse ka devijime, Inspektorati do marr masa ndëshkuese ndaj subjekteve që kanë mashtruar konsumatorët, përcjell teve1.info
“Inspektorati i Tregut, në kuadër të Ministrisë së Industrisë, Ndërmarrësisë dhe Tregtisë, në bashkëpunim me zyrtarët e Agjencisë të Metrologjisë së Kosovës, kanë vazhduar verifikimin e sasisë nëpër pikat e shitjes së derivateve të naftës, me qëllim të parandalimit të çfarëdo mashtrimi që mund të bëhet me sasinë e deklaruar. Përmes etalonëve të kalibruar, nga inxhinierët e metrologjisë, bëhen matjet e duhura me anë të të cilave vërtetohet nëse litri i deklaruar ka sasinë e saktë. Në rastet kur ka devijime, Inspektorati i Tregut ndërmerr masat e duhura ndëshkuese ndaj subjekteve që kanë mashtruar konsumatorët”, bëhet e ditur në njoftim.
Po ashtu, Inspektorati i Tregut inkurajon qytetarët që të paraqesin parregullsitë që hasin.
“Tel: 0800 11000 ose E-mail: [email protected]. Të gjitha kërkesat dhe raportimet tuaja, do të shqyrtohen me kujdes”, thuhet në njoftim. /Teve1.info/
