Komandanti i KFOR-it, Gjeneral Major Ristuccia ka zhvilluar një takim me komandantin e FSK-së, Bashkim Jashari.
Fushat e bashkëpunimit mes të dy trupava kanë qenë temë diskutimi.
“Komandanti i KFOR-it, Gjeneral Major Ristuccia, ka takuar Gjenerallejtnant Jashari, komandant i FSK-së. Ata diskutuan bashkëpunimin e tyre dhe ndihmën e KFOR-it për FSK-në për operacionet e mbrojtjes civile si shuarja e zjarrit, asgjësimi i mjeteve shpërthyese (EOD), kërkim-shpëtimi (SAR) dhe reagimi ndaj materialeve të rrezikshme (HAZMAT)”, thuhet në njoftimin e KFOR-it.