Policia në Gjilan ka intervenuar në një rast, pasi një vozitës e ka kaluar shpejtësinë maksimale të lejuar dhe fotografinë që ia kishte bërë matësit të shpejtësisë, e kishte publikuar në ‘Tik Tok’.
Vozitësi shihet se në zonën ku shpejtësia më e madhe e lejuar ishte 80 km/h, kishte vozitur 140 km/h.
“Me këto veprim ai ka rrezikuar pjesëmarrësit e tjerë në komunikacion dhe kanë rënë ndeshë me rregullat e komunikacionit rrugor”, ka njoftuar policia.
Të njëjtit është shqiptuar gjobë prej 300 euro, 3 pikë negative dhe masë mbrojtëse në afat prej 3 muajsh.
“Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 03850807001. Të dhënat e juaja do të ruhen ne konfidencialitet të plotë”, thuhet në raportin e policisë.
