Pas takimit me kryeministrin e Shqipërisë, Edi Rama, presidentja e vendit, Vjosa Osmani bëri të ditur se kanë diskutuar për proceset e ardhshme në agjendën ndërkombëtare.
Osmani theksoi se forcimi i bashkëpunimit mes të dyja shteteve, është në të mirë të qytetarëve, përcjell teve1.info
“Me Kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit. Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike”, ka shkruar ajo në Facebook.
Pas Osmanit, Rama do të takohet me kryeparlamentarin Glauk Konjufca.
Ndërsa në pritje të konfirmimit mbetet ende takimi me Kryeministrin Albin Kurti. /Teve1.info/