Atletico Madrid ka prezantuar Caglar Soyuncu, i cili ishte pjesë e Leicester City në pesë sezonet e fundit. Qendërmbrojtësi potent turk, zbarkon në “Wanda Metropolitana” si lojtar i lirë.
27-vjeçari kërkohej prej kohësh nga trajneri Diego Simeone, i cili vlerëson shumë aftësitë e tij mbrojtëse. Soyuncu numëron edhe 53 ndeshje me kombëtaren e Turqisë.
Lojtari nga Izmiri ka firmosur për katër vite me klubin “Colchoneros”. Ai zhvilloi në total 132 ndeshje me Leicester City, duke dhënë kontributin e tij në fitoret e FA Cup (2021) dhe Community Shield (Superkupa). Në po të njëjtin vit.
Dy ditë më parë u prezantua edhe Javi Galan, mbrojtësi i majtë, i cili erdhi nga Celta Vigo. Teksa sot erdhi edhe zyrtarizimi i qendërmbrojtësit turk. Me Simeonen që riparon problemet në prapavijë me dy firmat e fundit.
