Kryetari i Lidhjes Demokratike të Kosovës, Lumir Abdixhiku tha se kryeministri i Shqipërisë është gjithmonë i mirëpritur në Kosovë, raporton teve1.info
Pas takimit me gazetarë, Abdixhiku foli për vizitën e Edi Ramës, i cili pritet ta vizitojë të enjten Kosovën.
“Natyrisht që kryeministri i Shqipërisë është i mirëpritur në Kosovë. Fakti që ne e diskutojmë pritjen ose jo të tij tregon shumë për gjendjen në të cilën ka ardhur Kosova. Kryeministri është i mirëseardhur gjithmonë në Kosovë”, tha Abidhxiku.
Kjo deklaratë e Abdixhikut vjen pas deklarimit të kryeministrit Albin Kurti se Ramën e pret vetëm në mbledhje të dy qeverive, por jo edhe në takime të tjera.
