Al Ahli, klub nga Arabia Saudite, njoftoi nënshkrimin me Roberto Firminon, sulmuesin brazilian që përfaqësoi Liverpoolin që nga viti 2015.
Në moshën 31-vjeçare, braziliani u josh nga milionat e arabëve, duke iu bashkuar “yjeve” të tjerë të futbollit si: Cristiano Ronaldo, Karim Benzema, N’Golo Kanté apo Marcelo Brozovic.
Firmino, i cili në tetë vjet te Liverpool shënoi 111 gola (plus 79 asistime) në 362 ndeshje, ka nënshkruar për skuadrën e qytetit Jeddah deri në vitin 2026.
Tek Al Ahli është portieri senegalez Edouard Mendy, dikur i Chelsea-t dhe po vazhdojnë negociatat për Riyad Mahrez, algjerianin e Manchester City-t.
