Anësori portugez, Bernardo Silva është shumë pranë të largohet nga Manchester City për në Ligën Saudite.
Daily Star Sport, raporton se Al Hilal ka dërguar ofertë 80 milion euro për Bernardo Silvan. Silva në rast se arrin marrëveshje me skuadrën arabe, pritet të përfitoi 930 mijë euro në javë.
Por, kush do mund të zëvendësonte Silvan në Etihad?
Squawka Football ka ofruar disa opsione si më të mirat për Manchester Cityn – ndërsa aty është i përfshirë edhe Edon Zhegrova.
Ylli i Kosovës ka shkëlqyer sezonin e kaluar te Lille, duke zgjuar interesimin e disa skuadrave nga Italia, Liga Premier dhe Turqia.
Mirëpo, sipas mediumit që merret më shumë me statistika, Zhegrova mund të ishte një zëvendësues ideal për Silvan te City..
Në listë janë edhe emra tjerë të talentuar si, Arda Guler, Rayan Cherki dhe Florian Wirtz.
Natyrisht se ky do të ishte një transferim ëndrrash për yllin e “Dardanëve”, duke ditur se do të zhvillohej edhe më shumë si lojtar nën urdhrat e Pep Guardiolas.
