Në një konferencë për media, Kurti theksoi se serbët e Kosovës do t’i kuptonte nëse protesojnë kundër korrupsionit, e jo për zgjedhjet e Serbisë.
“Sot më erdhi informacioni se po planifikohet për protesta, për pasnesër. Nuk besoj se janë të rëndësishme. Unë plotësisht do t’i kuptoja serbët e Kosovës nëse protestojnë kundër korrupsionit, çështje sociale për arsim më të mirë, shëndetësi më të mirë, por të hyhet në protesta për zgjedhjet e Serbisë për të hyrë në objektet shkollore nuk është e drejtë”, tha Kurti.
Kreu i Ekzekutivit bëri thirrje për mosorganizim dhe mospjesëmarrje në protestë. /Teve1.info/
