Kryetari i Prizrenit, Shaqir Totaj tha se nga 78 premtimet e dhëna në kohën e zgjedhjeve, ka përmbushur rreth 50 për qind të tyre.
Sipas tij, kjo është arritur ende pa u kaluar gjysma e mandatit.
“Për sa i përket numrit të premtimeve që ne i kemi dhënë, edhe përqindjes së përmbushjes së tyre, jemi diku rreth 50% për momentin…para se me ardh në gjysmë të mandatit”, deklaroi ai në “Këndi i Debatit” në Tëvë 1.
I pari i Prizrenit tregoi se ndër premtimet më serioze të cilat kanë bërë është shkarkimi i trafikut.
“Ju e dini se kemi pas një premtim shumë serioz për sa i përket debllokimit të një rruge së transitit në qytetin e Prizrenit. Unë kam pas premtuar që atë do ta realizojmë në vitin e parë, por ne e kemi realizuar në fillim të vitit të dytë. Është një rrugë e cila është e gjatë diku rreth 4 km”, shtoi ai.
Në zgjedhjet e nëntorit 2021 në Prizren, Totaj ka fituar me 51,01%. /Teve1.info/
