Në vijën ndarëse me protestuesit serbë, po qëndrojnë tre ushtarë të KFOR-it turk.
Në gjendje gatishmërie ata po vëzhgojnë situatën.
Edhe më në thellësi të kordonit të sigurisë, prezentë janë ushtarë tjerë turk.
“Protesta në Zveçan po vazhdon me dhjetëra protetues serbë që po qëndrojnë në rrugën afër objektit të komunës.”
Ata shfrytëzojnë tendat për të qëndruar në pjesën më të madhe të ditës.
Situatë e qetë, të enjten ishte edhe në komunën e Leposaviqit.
“Numër i paktë i protestuesve serbë është edhe në Leposaviq, ku ata po qëndrojnë në grupe të vogla përgjatë vijës së sigurisë së KFOR-it.”
Madje edhe disa hapësira të destinuara për protestuesit janë larguar.
E ato që ende janë në dispozicionin e tyre, nuk po mbushen plotësisht.
Megjithatë, për monitorim të situatës dhe ruajtjen e sigurisë KFOR-i është në krye te detyrës.
Meqë situata është e qetë, ata vaktet e tyre të ditës i shijuan nën një hije afër kordonit të sigurisë.