Adrien Uka e ka kaluar me sukses fazën e grupeve në teqball në Lojërat Evropiane që po mbahet në Krakow të Polonisë.
Uka ia ka fituar dy përballjet që i pati në konkurrencën individuale në kuadër të Grupit G, të enjten.
Me këto dy fitore, Uka është kualifikuar në çerekfinale të teqballit, sport ky që po debuton këtë edicion në Lojërat Evropiane.
Në duelin e parë, Uka triumfoi bindshëm ndaj kroatit Dario Batalo që e mposhti 2:0 (12:3, 12:1).
Ndërsa, në përballjen e dytë, Uka u tregua më i mirë se ukrainasi Oleh Usycheko, duke e mposhtur me rezultatin e ngushtë 2:1.
