Boksieri Alban Beqiri është kualifikuar në çerekfinale të Lojërave Evropiane që po mbahen në Poloni. Beqiri është boksier i Shqipërisë, ndërsa të martën mbrëma e mposhti boksierin e Lituanisë, Aleksandr Trofimcuk. Beqiri e fitoi 4:1 duelin e kategorisë deri 71 kilogramë.
Boksierit të Shqipërisë i duhet edhe një fitore për të siguruar medalje. Në meçin e kaluar Beqiri e kishte mposhtur boksierin nga Sllovenia, Dejan Leburiq.
Të martën boksoi edhe Ardit Murja. Ai boksoi në kategorinë deri 57 kg, ndërsa humbi në një të tetën e finales nga boksieri i Belgjikës, Vasile Usturoi.
Në vitin 2021, Alban Beqiri kishte fituar medalje të bronztë në Kampionatin Botëror të mbajtur në Beograd.
Shqipëria tashmë i ka dy medalje të arta në Lojërat Evropiane, falë Alvin Karaqit dhe Luiza Gegës.
