Sonte rreth orës 20:00 dy persona janë vrarë me armë zjarri në fshatin Madanaj të komunës së Gjakovës.
Lajmin për teve1.info e ka konfirmuar drejtori i Policisë për Rajonin e Gjakovës, Lumni Graisha.
“Aktualisht mund të konfirmoj se dy viktimat janë vëllezër mes vete”, tha ai
Ndërkohë, Mjeku kujdestar në Spitalin Rajonal të Gjakovës, kirurgu, Valdet Spahija në një prononcim për Tëvë1 tha se njëri nga viktimat është dërguar në spital pa shenja jete dhe se kishte lëndime gjoks, bark dhe këmbë, të shkaktuara nga arma e zjarrit.
“Rreth orës 20:00 ka ardhur tash i ndjeri, pa shenja jetë si pasojë e lëndimeve të shkaktuara nga arma e zjarrit. Lëndimet kanë qenë të lokalizuara në regjionin në gjoksit, në regjionin e barkut si dhe të ekstremiteteve të poshtme”, tha Spahija.
Ai po ashtu bëri të ditur se viktima e dytë nuk është dërguar fare në spital, pasi sipas Spahijajt, ai ka ndërruar jetë në vendin e ngjarjes.
“Personi i dytë nuk ka arritur në spital, si duket ai ka ndërruar jetë në vendin e ngjarjes” , tha Spahija.
Ndërsa, gazetarja e Tëvë1, Albiona Hajdari duke cituar Policinë e Kosovës tha se i dyshuari ndodhet në arrati.
