Zgjedhjet e 3 prillit që do të mbahen në Serbi kanë trazuar edhe vendet e tjera të rajonit.
Qëndrimi zyrtar i Republikës së Kosovës është se këto zgjedhje nuk mund të mbahen në Kosovë, pa një marrëveshje ndërmjet Republikës së Kosovës dhe Serbisë. Këtë qëndrim qeveria e ka bërë të ditur me anë të një njoftimi pas përfundimit të takimit me përfaqësuesit e vendeve të QUNIT-it.
“Ai u tha ambasadorëve dhe përfaqësuesve diplomatikë të Republikës së Kosovës se ne nuk dëshirojmë që t’ia pamundësojmë të drejtën e votës qytetarëve të Republikës sonë që kanë dyshtetësi, por në të njëjtën kohë nuk mund të veprojmë në kundërshtim me ligjshmërinë dhe kushtetutshmërinë e vendi”,thuhet nw njoftimin e Qeverisw.
Kurse, zëdhënësi i BE-së për çështje të Politikës së Jashtme dhe Sigurisë, Peter Stano, në një konferencë për media ka thënë se Kosova e ka refuzuar kërkesën e QUINTI-t për mbajtjen e zgjedhjeve serbe.
‘Kemi bërë përpjekje të gjejmë zgjidhje praktike duke përdorur analogjitë që ishin vendosur në votime në të kaluarën. Duke pranuar se Serbia ka qenë e hapur për gjetjen e zgjidhje ne shprehim keqardhje se konsensusi mes palëve në fund nuk u arrit pas vendimit të Kosovës për të refuzuar propozimin konstruktiv të Quint-it”, tha ai.
Tutje, Stano ka thënë se presin që Kosova dhe Serbia të përmbahen nga veprimet dhe retorika e cila mund të rris tensionet.
Në anën tjetër mediat serbe kanë raportuar se presidentit serb Vuciq, pas marrjes së këtij njoftimi, ka ndërprerë mbledhjen me këshillin e sigurisë edhe është takuar me përfaqësuesit e vendeve të QUINT-it. Vuciq gjatë ditës së sotme është takuar edhe me përfaqësuesit e Listës Serbë, takim ky i cili është mbajtur në Beograd.
Ministria e Jashtme e Malit të Zi refuzoi kërkesën e ambasadës serbe në Mal të Zi për hapjen e tre qendrave të votimit për zgjedhjet e 3 prillit në Serbi.
Raporti i gazetarit Valmir Gallopeni.
