Ministri i Mbrojtjes, Armend Mehaj, ka reaguar për situatën e krijuar pas vërshimeve në Pejë.
Ai tha se njësitet e FSK-së janë të gatshme për të reaguar dhe se për këtë janë në pritje të përgjigjes nga Komuna e Pejës.
“Me shqetësim të madh jemi duke përcjellur gjendjen e rëndë pas vërshimeve ne komunën e Pejës. Ne jemi në gjendje gatishmërie për të rearguar me njësitë tona të Forcës së Sigurisë së Kosovës, për këtë jemi në pritje të përgjigjes nga Komuna e Pejës”, ka shkruar Mehaj në Facebook.
Si pasojë e reshjeve të shiut nga Policia e Kosovës është konfirmuar se nënë e bir kanë humbur jetën.
Fëmija rreth orës 23:10 ishte dërguar në Spitalin Rajonale të Pejës, ku o konstatua se ishte pa shenja jete e nëna e tij ka mbetur e zhdukur, por është gjetur e vdekur në ora 01:20 pas mesnate.
Ndërkaq, përveç viktimave deri më tani janë lënduar edhe dy persona në lagjen “Fidanishte”, të cilët janë duke marrë tretman mjekësor./teve1.info/
